കൊച്ചി മെട്രോയുടെ രണ്ടാം ഘട്ട സർവീസ് മുഖ്യമന്ത്രി ഫ്ലാഗ് ഓഫ് ചെയ്തു

കൊച്ചി: കാത്തിരിപ്പിന് വിരാമമിട്ട് കൊച്ചി മെട്രോ നഗരമധ്യത്തിലേക്ക് എത്തുകയാണ്. രാവിലെ പത്തരയ്ക്ക് മുഖ്യമന്ത്രി പിണറായി വിജയനും കേന്ദ്ര നഗരവികസന മന്ത്രി ഹര്‍ദീപ് സിങ് പുരിയും ചേര്‍ന്ന് കലൂര്‍ ജവഹര്‍ലാല്‍ നെഹ്റു സ്റ്റേഡിയം സ്റ്റേഷനില്‍ മെട്രോയുടെ ദീര്‍ഘിപ്പിച്ച സര്‍വീസ് ഫ്ലാഗ് ഓഫ് ചെയ്തു. പിന്നീട് മഹാരാജാസ് വരെ മെട്രോയില്‍ യാത്ര.

തുടര്‍ന്ന് ടൗണ്‍ ഹാളില്‍ നടക്കുന്ന ചടങ്ങില്‍ മുഖ്യമന്ത്രി പിണറായി വിജയന്‍ ദീര്‍ഘിപ്പിച്ച മെട്രോ സര്‍വീസ് ഔദ്യോഗികമായി ഉദ്ഘാടനം ചെയ്യും . കേന്ദ്രമന്ത്രി ഹര്‍ദീപ് സിംഗ് പുരി അധ്യക്ഷത വഹിക്കും. പ്രതിപക്ഷ നേതാവ് രമേശ് ചെന്നിത്തല, കെ.വി തോമസ് എം.പി, ഹൈ​​​ബി ഈ​​​ഡ​​​ന്‍ എം​​​എ​​​ല്‍​​​എ, ഡി​​​എം​​​ആ​​​ര്‍​​​സി മു​​​ഖ്യ ഉ​​​പ​​​ദേ​​​ഷ്ടാ​​​വ് ഇ. ​​​ശ്രീ​​​ധ​​​ര​​​ന്‍, കെ​​എം​​​ആ​​​ര്‍​​​എ​​​ല്‍ എം​​​ഡി ഏ​​​ലി​​​യാ​​​സ് ജോ​​​ര്‍​​​ജ് തുടങ്ങിയവര്‍ ചടങ്ങില്‍ സംബന്ധിച്ചു. ഇതിനു ശേഷം മുഖ്യമന്ത്രിയും കേന്ദ്രമന്ത്രിയും പ്രതിപക്ഷ നേതാവും അടക്കമുള്ളവര്‍ ട്രെയിനില്‍ യാത്ര ചെയ്യും

ആലുവ മുതല്‍ മഹാരാജാസ് വരെ 50 രൂപയാണ് ടിക്കറ്റ് നിരക്ക്. മിനിമം ചാര്‍ജ് 10 രൂപയായി തുടരും. കൂടുതല്‍ ഫീഡര്‍ സര്‍വീസുകളും സ്ഥിരം യാത്രക്കാര്‍ക്കായി പ്രത്യേക ഫെയര്‍പാക്കേജുകളും കെഎംആര്‍എല്‍ ഏര്‍പ്പെടുത്തും. കൊച്ചിയുടെ നഗരമധ്യത്തിലേക്ക് ആദ്യ ദിവസം മെട്രോ കയറി എത്തുന്നവര്‍ക്ക് കാരിക്കേച്ചര്‍ സമ്മാനമായി ലഭിക്കും. ലിംക ബുക് ഓഫ് റെക്കോര്‍ഡ്സില്‍ ഇടംപിടിച്ച കാരിക്കേച്ചറിസ്റ്റ് ബി. ജ്ജീവിന്റെ നേതൃത്വത്തില്‍ 10 പേരാണ് കന്നിയാത്രക്ക് എത്തുന്നവരുടെ ചിത്രങ്ങള്‍ വരയ്ക്കുക.