പ്രമുഖ ബോളിവുഡ് നടി ദീപിക പദുക്കോണിന്റെ തല വെട്ടുന്നവർക്ക് 5 ലക്ഷം ഇനാം

പ്രമുഖ നടിയുടെ തല വെട്ടുന്നവർക്ക് വൻ പാരിതോഷികം നൽകുമെന്ന് ക്ഷത്രിയ മഹാസമാജം രംഗത്ത്. പദ്മാവതി സിനിമയില്‍ അഭിനയിച്ചതിനെ തുടർന്ന് പ്രശസ്ത ബോളിവുഡ് നടി ദീപിക പദുക്കോണിനെതിരെയാണ് വധ ഭീഷണി. കൂടാതെ ഈ സിനിമ സംവിധാനം ചെയ്ത സംവിധായകന്‍ സഞ്ജയ് ലീല ബന്‍സാലിക്കെതിരെയും ഭീഷണിയുണ്ട്.

ഇരു പേരുടെയും തല വെട്ടുന്നവർക്ക് 5 ലക്ഷം രൂപയാണ് പാരിതോഷികമായി പ്രഖ്യാപിച്ചിരിക്കുന്നത്. മീററ്റിലെ ക്ഷത്രിയ സമുദായികാംഗമായ താക്കൂര്‍ അഭിഷേകേ സോമാണ് പ്രതിഷേധവുമായി രംഗത്ത് വന്നിരിക്കുന്നത്. സിനിമയിൽ പത്മാവതി എന്ന കഥാപാത്രത്തെ മോശമായി ചിത്രീകരിച്ചിരിക്കുന്നുവെന്നതാണ് അവർ ഉന്നയിക്കുന്ന ആരോപണം.

പദ്മാവതി റാണിയ്ക്ക് അലാവുദ്ദീന്‍ ഖില്‍ജിയുമായി ബന്ധമുണ്ടെന്ന രീതിയിലുള്ള രംഗങ്ങൽ സിനിമയിലുണ്ട്. അതു കൊണ്ടാണ് സമാജത്തിനു വേണ്ടി താന്‍ ഇനാം പ്രഖ്യാപിക്കുന്നതെന്നു അഭിഷേകേ സോമ വ്യക്തമാക്കി. നടി രാജ്യം വിട്ടു പോകുക. അല്ലാത്തപക്ഷം തല വെട്ടിയെടുക്കുന്നതായിരിക്കുമെന്നും അദ്ദേഹം ഭീഷണി മുഴക്കി.