എടിഎം മെഷീനുള്ളിൽ എലികളുടെ വിളയാട്ടം; നശിപ്പിച്ചത് 12 ലക്ഷം രൂപയുടെ നോട്ടുകള്‍

എടിഎം മെഷീനുള്ളിൽ എലികൾ. 12 ലക്ഷം രൂപയുടെ നോട്ടുകള്‍ എലികള്‍ കരണ്ടു നശിപ്പിച്ചു. ആസാമിലെ ലായ്പുലിയിലുള്ള ടിന്‍സുകിയ ഏരിയയിലെ എസ്ബിഐയുടെ എടിഎമ്മിലെ നോട്ടുകളാണ് എലികള്‍ നശിപ്പിച്ചത്. കഴിഞ്ഞ മാസം മുതല്‍ പ്രവര്‍ത്തന രഹിതമായിരുന്ന എടിഎം മെഷീനിലാണ് എലികള്‍ കയറി വിളയാട്ടം.

12.38 ലക്ഷം രൂപയുടെ 500, 2000 രൂപാ നോട്ടുകളാണ് എലികള്‍ കരണ്ട് നശിപ്പിച്ചത്. മെഷിൻ തകരാറിലായതിനെ തുടർന്ന് മെഷീന്‍റെ കേടുപാടുകള്‍ പരിഹാരിക്കാനെത്തിയ ജീവനക്കാരാണ് നോട്ടുകള്‍ നശിപ്പിച്ച നിലയില്‍ കണ്ടെത്തിയത്. മെയ് 19 നാണ് എടിഎമ്മില്‍ പണം നിക്ഷേപിക്കുന്ന ഏജന്‍സി 29 ലക്ഷം രൂപ എടിഎമ്മില്‍ നിക്ഷേപിക്കുകയും മെയ് 20 ന് എടിഎം മെഷീന്‍ തകരാറിലായി എന്ന പരാതി ലഭിക്കുകയുമായിരുന്നു. തുടർന്ന് ജൂണ്‍ 11 ന് മെഷീൻ ന്‍റെ കേടുപാടുകള്‍ പരിഹാരിക്കാണ് ജീവനക്കാർ എത്തുകയായിരുന്നു.

17 ലക്ഷത്തഓളം നോട്ടുകള്‍ വീണ്ടെടുക്കാനായിട്ടുണ്ടെന്നാണ് വിവരം. എങ്ങനെയാണ് ഇത്രയും എലികള്‍ എടിഎം മെഷീനുള്ളില്‍ എത്തിയതെന്ന കാര്യം പോലീസ് അന്വേഷിക്കുന്നുണ്ട്. മെയ് 20 ന് കേടുവന്ന എടിഎം മെഷീന്‍ നന്നാക്കാന്‍ ജൂണ്‍ 11 വരെ വൈകിയത് എന്താണെന്ന സംശയവും ചിലര്‍ ഉയര്‍ത്തുന്നുണ്ട്.