ഷിംല: ഹിമാചല്‍ പ്രദേശിലെ മണ്ഡിയില്‍ ജനങ്ങള്‍ താമസിക്കുന്ന കെട്ടിടത്തിന് തീപിടിച്ച്‌ അഞ്ചുപേര്‍ മരിച്ചതായി റിപ്പോർട്. മണ്ഡി ജില്ലയിലെ നേര്‍ ചൗകിലെ കെട്ടിടസമുച്ചയത്തിലാണ് ഇന്ന് പുലര്‍ച്ചയോടെ തീപിച്ചത്. നിരവധി പേര്‍ കെട്ടിടത്തിനുള്ളില്‍ കുടുങ്ങി കിടക്കുന്നതായാണ് വിവരം.
പാചക വാതക സിലിണ്ടര്‍ പൊട്ടിത്തെറിച്ചണ് അപകടമുണ്ടായതെന്ന് നാട്ടുകാർ പറയുന്നു. മൂന്ന് അഗ്നിശമന യൂനിറ്റുകള്‍ സ്ഥലത്തെത്തി രക്ഷാപ്രവര്‍ത്തനം നടത്തുന്നുണ്ട്. ഇത് വരെ അഞ്ചു മൃതദേഹങ്ങള്‍ പുറത്തെത്തിച്ചിട്ടുണ്ട്.
