നടി മഞ്ജു വാര്യർക്കെതിരെ ആദിവാസികൾ ;വീടിന് മുന്നില്‍ കുടില് കെട്ടി സമരത്തിനൊരുങ്ങാൻ കാരണം ഇതാണ്

വയനാട്: വീട് നല്‍കാമെന്ന വാഗ്‌ദാനം വെറുതെയെന്ന് അറിയിച്ച് വയനാട് പരക്കുനി കോളനിയിലെ ആദിവാസികള്‍.വാഗ്‌ദാനം നൽകിയിരുന്നത് ചലച്ചിത്ര താരം മഞ്ജു വാര്യർ ആയിരുന്നു . ഒന്നര വര്‍ഷം മുന്‍പാണ് വീട് വാഗ്‌ദാനവുമായി മ‍ഞ്ജു വാര്യര്‍ ആദിവാസി കോളനിയിലെത്തിയത്. ജില്ലാ ഭരണകൂടവുമായി ചര്‍ച്ച ചെയ്ത് പദ്ധതിയും തയ്യാറാക്കിയിരുന്നെങ്കിലും നാളിതുവരെയായിട്ടും പ്രാരംഭ പ്രവര്‍ത്തനം പോലും നടത്തില്ലെന്നാണ് ആദിവാസികളുടെ ആക്ഷേപം.

57 കുടംബങ്ങളാണ് കോളനിയിലുള്ളത്. മഞ്ജുവാര്യരുടെ വാഗ്‌ദാനം വന്നതോടെ മറ്റ് പദ്ധതികളൊന്നും ഇവര്‍ക്ക് ലഭിക്കാതായി. വീട് പുതുക്കി പണിയുന്നതിനോ പുനര്‍ നിര്‍മ്മാണത്തിനോ സഹായം കിട്ടുന്നില്ല. ഈ സാഹചര്യത്തിലാണ് ആദിവാസികള്‍ പരസ്യമായി പ്രതിഷേധിക്കാന്‍ ഒരുങ്ങുന്നത്.ഫെബ്രുവരി 13 ന് തൃശ്സൂരിലെ വീടിന് മുന്നില്‍ കുടില്‍ കെട്ടി സമരം തുടങ്ങുമെന്ന് ആദിവാസികള്‍ വയനാട്ടില്‍ വിളിച്ച വാര്‍ത്താസമ്മേളനത്തില്‍ അറിയിച്ചു.